Иманды болсын! Түркістан облысында 5 жасар бала суару каналына батып кетті

Оқиға Сарыағаш ауданына қарасты Біртілек ауылында болған, деп хабарлайды brifing.kz порталы.

5 жасар бүлдіршін 16 наурыз күні түскі уақытта үйден шығып кетіп, қайтып оралмаған.

Куәгерлер суару каналынан аяқ киімін көргенін айтты.

Іздеу жұмыстарына төтенше жағдай департаменті мен жергілікті атқарушы органдардан және полиция қызметінен 93 адам және 4 техника жұмылдырылды.

«Іздеу тобы жоғалған қыздың денесін үйден 2 шақырым жердегі каналдан тауып, судан шығарып алды», – делінген Түркістан облысы ТЖД қоғаммен байланыс тобы таратқан ақпаратта.